Buscador: Versión en Castellano  
BENVIDO         Esta Semana Resaltamos:
CULTURA
NOVAS Aula de Informática
MAPA DO CONCELLO Biblioteca
SITUACIÓN E DESCRIPCIÓN Banda de Música
Relevo Escola de Música
Hidrografía Grupo de Teatro
Clima URBANISMO
Vexetación MEDIOAMBIENTE
Paisaxe
DEPORTES
Poboación e Hábitat Instalacións
Parroquias e Aldeas         O Que Esta Pasando En Lousame... Actividades
Economía Hípica
HISTORIA Reserva do Pavillón
A Historia Figuras do deporte
Minas de San Finx SANIDADE
Mosteiro de San Xusto Centro Médico
Cura de Fruíme Concellos Saudables
PATRIMONIO EDUCACIÓN
Restos Arqueolóxicos Colexio de A Silva
Arquitectura Relixiosa *Amósanse as novas correspondentes ós últimos 30 días Escola de O Sanguiñal
Arquitectura Popular         Actividades De Cultura A Destacar... Educación de adultos
Arquitectura Civil P.A.I
TURISMO E LECER SERVICIOS SOCIAIS
Turismo ASOCIACIÓNS
Festas e Romarías Como crear unha Asociación
Rutas de Sendeirismo Asociacións de Veciños
Aloxamento Asociacións de Amas de Casa
Onde comer Asociacións de Montes
DESCARGAS Outras Asociacións
Documentación GALERIA ACTIVIDADES
Outras CONTACTA CON NOS
O CONCELLO XUVENTUDE (O.I.X.)
Equipo de Goberno TECNICO DE EMPREGO
Servicios Municipais
METEOROLOXÍA
I.N.M.
Meteogalicia
Algunhas fotos do concello
Servicio Galego de Saude
TABOLEIRO DE ANUNCIOS:

Recibe no teu correo todas as novas

A Deputación mantén aberta ata o 20 de novembro a convocatoria de subvencións a entidades sen ánimo de lucro
Data deste anuncio: 03/11/2014 Departamento: Concello de Lousame
O Concello de Lousame informa de que o Boletín Oficial da Provincia publica hoxe luns as bases da convocatoria ordinaria de subvencións da Deputación dirixidas a entidades sen ánimo de lucro para toda a provincia da Coruña. En concreto, trátase das axudas nas áreas de Promoción Económica, Cultura, Deportes e Servizos Sociais. Aquí inclúense dende achegas para programas de igualdade, ata axudas para o desenvolvemento pesqueiro e agrícola. No ámbito do deporte subvencionaranse tanto infraestruturas como o fomento de actividades de promoción. Consulta as bases aquí.

O prazo de presentación ábrese hoxe e remata o 20 de novembro para todas as liñas de axudas, o que significa que, coma en anos anteriores, se seguen a adiantar os prazos. O obxectivo é axilizar a tramitación, de tal xeito que as asociacións poidan saber o seu orzamento e organizar as súas actividades cara o vindeiro próximo exercicio. Co mesmo obxectivo repetirase a forma de presentacións de solicitudes, que por terceiro ano consecutivo se realizarán de forma telemática a través da web www.dicoruna.es.


Certificación galega de competencias dixitais en ofimática
Data deste anuncio: 30/10/2014 Departamento: Mocidade
A Axencia para a Modernización Tecnolóxica de Galicia convoca o programa de autoformación para a obtención da certificación galega de competencias dixitais en ofimática e probas de avaliación de carácter libre. Máis información.

O Concello de Lousame informa sobre o Novo Plan Técnico Nacional da TDT
Data deste anuncio: 30/10/2014 Departamento:
O Concello de Lousame informa sobre os detalles, axudas dispoñibles e información ao alcance dos veciños e veciñas do municipio sobre o Novo Plan Técnico Nacional da Televisión Dixital Terrestre (TDT). Este novo Plan da TDT vén materializar o mandato comunitario segundo o cal é preciso liberar ante do 1 de xaneiro de 2015 unha parte das frecuencias actualmente empregadas polo servizo de televisión (concretamente o dividendo dixital 790-862 Mhz), e destinalas á prestación de servizos da telefonía móbil de cuarta xeración (4G). Por iso, é preciso facer unha migración das canles de televisión que ata o de agora viñan usando estas frecuencias cara outras novas.

Este proceso de reordenación de frecuencias afecta a case 1 millón de edificios con antena colectiva en toda España. Polo tanto, os presidentes das Comunidades de Veciños e os Administradores das Fincas dos edificios que teñan que realizar adaptacións terán que chamar canto antes a un antenista/instalador para que adapte a súa antena colectiva ás novas frecuencias (para non perder ningunha canle de televisión).

O pasado 26 de outubro xa se produciu unha reordenación de varias das actuais canles de televisión e é preciso que todos os veciños e veciñas de Lousame sintonicen de novo as canles utilizando o mando do seu televisor para poder seguir recibíndoos de agora en adiante. Para máis información, podedes consultar a páxina web www.televisiondigital.es ou chamar ao centro de atención telefónica dispoñible para os veciños (901 201 004 ou 954 307 796). E se queres máis información, podes consultar este documento: “El proceso de liberación del Dividendo Digital en España” (do Ministerio de Industria, Energía y Turismo).

AXUDAS PARA A ADAPTACIÓN DAS INSTALACIÓNS DE ANTENA COLECTIVA DE TDT

Ademais de toda esta documentación á que podes acceder a través da Internet, dende o Concello de Lousame vos informamos das distintas axudas para adaptar as vosas instalacións no caso de que fose preciso. Imos expoñelo de xeito esquemático para que sexa máis comprensible:

OBXECTIVO
O proceso de liberación do dividendo dixital fai necesario realizar adaptacións nas instalacións de antena colectiva dos edificios, para continuar recibindo a oferta completa de canles de televisión. O Goberno pon en marcha un programa de axudas para compensar os custos derivados da recepción ou acceso ao servizo de televisión nos edificios de vivendas afectados pola liberación do dividendo dixital.

BENEFICIARIOS
- As axudas están destinadas ás comunidades de propietarios dun edificio ou conxunto de edificios de vivendas suxeito ao réxime de propiedade horizontal, e que tivesen instalado un sistema de antena colectiva baseado en monocanales ou un sistema baseado nunha central programable.
- Só poderá solicitarse unha subvención por cada comunidade de propietarios.

IMPORTE MAXIMO DAS AXUDAS
- As axudas cubrirán os investimentos e gastos directamente relacionados coas adaptacións motivadas pola liberación do dividendo dixital nos edificios afectados, segundo o sistema de antena colectiva que tivese instalado o edificio.
- Para aquelas comunidades de propietarios que tivesen instalada unha central programable e, polo tanto, non precisan da instalación de equipamento adicional a axuda máxima prevista é de 100 € en todos os casos, con independencia da zona xeográfica.
- Nas comunidades con amplificadores monocanales, a subvención prevista varía en función do número de múltiples dixitais afectados, en cada zona xeográfica. O importe máximo da axuda é o seguinte:
- 1 múltiple dixital: 150 €
- 2 múltiples dixitais: 250 €
- 3 múltiples dixitais: 350 €
- 4 múltiples dixitais: 450 €
- 5 múltiples dixitais: 550 €
- Na páxina www.televisiondigital.es pode consultarse para cada código postal, o número de múltiples dixitais afectados na devandita zona, e polo tanto o importe máximo da axuda para as instalacións que dispuxeran de sistemas monocanales.
- No anexo recóllese o número máximo de múltiples dixitais afectados en cada zona xeográfica, segundo o establecido no Plan Técnico Nacional da televisión dixital terrestre.
- As axudas solicitadas non poderán superar o importe dos gastos relacionados co dividendo dixital e consignado na factura, nin os importes máximos antes sinalados.
- Os beneficiarios poderán optar por calquera tecnoloxía existente que permita a recepción ou acceso aos servizos de comunicación audiovisual televisiva nas edificacións afectadas pola liberación do dividendo dixital, como o ADSL, o cable, o satélite, a TDT ou calquera outra tecnoloxía.

REQUISITOS PARA RECIBIR AS AXUDAS
- As axudas solicitaranse unha vez realizadas as actuacións nos edificios.
- Soamente recibirán axudas as comunidades de propietarios que tivesen instalado un sistema de antena colectiva baseado en monocanales ou nunha central programable.
- As comunidades de propietarios deberán dispoñer de NIF (código H-) e ser titulares dunha conta bancaria ao seu nome onde se ingresará o importe da axuda
- As axudas so poderán outorgarse a aquelas actuacións realizadas por empresas instaladoras autorizadas inscritas nos Rexistros de empresas instaladoras de telecomunicación, nos tipos “A” ou “F”. A relación de empresas instaladoras rexistradas pode consultarse en www.televisiondigital.es ou na siguinte dirección web do Ministerio de Industria, Energía y Turismo. www.minetur.gob.es/telecomunicaciones/Infraestructuras/RegistroInstaladores/Paginas/ConsultaInstaladores.aspx

SOLICITUDE DAS AXUDAS
- A solicitude e a xestión das axudas realizarase exclusivamente a través de internet.
- As solicitudes poderán presentarse unha vez que se publique a convocatoria das axudas. Non obstante as actuacións que se vaian realizado antes dese momento poderá tamén solicitar a axuda. É importante que as comunidades de propietarios chamen as empresas instaladoras e realicen xa as adaptacións para evitar a perda de canles de televisión a final de 2014. Posteriormente poderán solicitar a axuda e recibir a subvención correspondente.
- As solicitudes serán atendidas por orde de presentación no sistema electrónico de xestión ata o esgotamento dos fondos.
- As solicitudes poderán presentarse directamente pola comunidade de propietarios, ou ben no seu nome por un representante, por exemplo o administrador do terreo, ou polo propio instalador que realice a adaptación.
- En todo caso o pagamento da axuda realizarase en todos os casos na conta da comunidade de propietarios.

DOCUMENTACIÓN A APORTAR COA SOLICITUDE
- Factura, emitida pola empresa instaladora autorizada que realizase a adaptación., onde se detallen claramente, os gastos directamente relacionados co proceso de liberación do Dividendo Dixital.
- Boletín de instalación que a empresa instaladora deberá entregar á Comunidade de Propietarios unha vez realizada a adaptación, que detalle o tipo de instalación existente no edificio e os traballos realizados con motivo da adaptación ao dividendo dixital.
- Documento acreditativo da titularidade da conta bancaria a nome da comunidade de propietarios onde se solicita o ingreso da axuda (copia de recibo domiciliado, certificado de titularidade de conta...).
- É importante dispoñer desta documentación en formato electrónico (jpg, ou pdf) para poder presentala a través de internet.

EDIFICIOS AFECTADOS
- En xeral deberán de realizar adaptacións dos seus sistemas de antena colectiva os edificios de vivendas equipados con sistemas de recepción baseados sistemas monocanales ou sistemas de centrais programables. En xeral utilizan estes sistemas edificios de tamaño medio ou grande.

EDIFICIOS NON AFECTADOS
- As vivendas unifamiliares dotadas con antena de televisión individual non haberán de realizar adaptacións nos seus sistemas de antena ao dispoñer de sistemas con amplificadores de banda ancha capaces de recibir todas as canles de televisión.
- As comunidades de propietarios con edificios dotados de sistemas de amplificadores de banda ancha, similares aos das vivendas unifamiliares, tampouco deberán realizar adaptacións. En xeral trátase daqueles edificios de menor tamaño ou cun reducido número de vivendas.


Lousame apoia a reconstrución de Gaza e Filipinas a través do Fondo Galego
Data deste anuncio: 22/10/2014 Departamento: Servizos Sociais
O Fondo Galego de Cooperación e Solidariedade destinará 20.000 euros á recuperación de Palestina tras os últimos bombardeos israelís e outros 10.000 euros á poboación filipina afectada polo tifón de 2013. A Asemblea xeral de socios celebrada esta mañá en Santiago de Compostela resolveu ademais cofinanciar con 152.345 euros seis proxectos de ONGD galegas en países empobrecidos. Unha asemblea na que participou a concelleira de Servizos Sociais de Lousame, Silvia Agrafojo.

A Axencia de Nacións Unidas para os Refuxiados de Palestina (UNRWA) recibirá 10.000 euros para apoiar o traballo dos equipos de saúde mental da entidade que atenden á poboación no contexto postbélico. Os outros 10.000 euros canalizaranse a través da Asociación Médica Hispano Palestina, que vehiculiza a entrada e distribución de material médico e farmacéutico na Franxa.

Doutra banda, os 10.000 euros para Filipinas corresponden a achegas extraordinarias dos Concellos de Narón e Pontevedra, xunto coa recadación dun concerto solidario organizado polo Concello de Lugo. A doazón destinarase ao Alto Comisionado das Nacións Unidas para os Refuxiados (Acnur), que a investirá en proporcionar refuxio e materiais de primeira necesidade ás comunidades do arquipélago. Esta contía súmase aos outros 10.000 euros xa mobilizados o ano pasado poucos días despois do paso do ciclón Haiyan, cos que se dotou 1.000 familias damnificadas de tendas e artigos non alimentarios básicos de emerxencia.

Nicaragua, Honduras, Perú, India e Guatemala son os lugares onde sete ONGD galegas desenvolverán proxectos de cooperación internacional cofinanciados polo Fondo Galego, segundo a resolución da convocatoria de axudas ratificada esta mañá pola Asemblea. Todas elas traballan en parcería con organizacións locais e levarán a cabo ademais actividades de sensibilización en Galicia para concienciar fronte as desigualdades.

A proposta de Amigos da Terra busca facilitar o acceso á auga dun milleiro de nicaraguanas e nicaraguanos mellorando a infraestrutura e o manexo das fontes, ao tempo que se achegan solucións como a depuración biolóxica. No mesmo país, Taller de Solidaridad contribuirá a fortalecer o turismo sustentable potenciando a autosuficiencia financeira dun centro rural. Mellorar o acceso á auga potable e ao saneamento en sete municipios mediante unha xestión integrada é o fin último da iniciativa formulada por Enxeñería sen Fronteiras no Golfo de Fonseca, onde se desenvolverán formacións e estudos para formular os plans necesarios.

Intered promoverá en Perú a participación das mulleres quechuas e aimaras co fin de mellorar os servizos de atención ás vítimas de violencia familiar e sexual. Tamén na India a ONGD Implicadas no Desenvolvemento apostará por impulsar a participación social e política dunhas 1.500 mulleres do rural, mentres que en Guatemala Arquitectos sen Fronteiras colaborará no desenvolvemento autónomo apoiando unha cooperativa local de materiais de construción e reactivando a organización comunitaria, con enfoque de xénero.

O Fondo Galego de Cooperación e Solidariedade está integrado por 87 Concellos e as Deputacións da Coruña e Lugo, que concentran a través desta rede os seus esforzos no eido da cooperación ao desenvolvemento. Garántese deste xeito unha xestión profesional e transparente, así como a realización de proxectos con impacto nos países do Sur e a sensibilización da sociedade galega a prol da solidariedade internacional. Desde a súa fundación en 1997, o Fondo Galego ten desenvolvido uns 150 proxectos en 25 países e promove numerosas actividades e materiais en relación aos desequilibrios Norte-Sur.


'Fomento do Emprendemento Feminino, a Innovación das Pemes e Emprendedoras Galegas e a Plataforma de Emprendemento Feminino''
Data deste anuncio: 20/10/2014 Departamento: Emprego
A presente convocatoria ten por obxecto a participación no proxecto “FOMENTO DO *EMPRENDEMENTO FEMININO, A INNOVACIÓN DAS PEMES E EMPRENDEDORAS GALEGAS E A PLATAFORMA DE EMPRENDEMENTO FEMININO”. Este programa é desenvolvido pola Fundación EOI e a Secretaría Xeral da Igualdade.O seu obxecto é potenciar e fortalecer ás emprendedoras galegas e PEMES, a iniciativa empresarial feminina e o emprendemento innovador feminino en Galicia. O prazo para presentarse remata o 31 de outubro. Máis información.

Axudas para o inicio de estudos universitarios no curso 2014/15
Data deste anuncio: 08/10/2014 Departamento: Educación
A Consellería de Educación convoca axudas destinadas a financiar os gastos da matrícula universitaria dos alumnado que inicie estudos universitarios no curso 2014/15 no Sistema universitario de Galicia conducentes á obtención dun título oficial de grao. A súa dotación será dun máximo de 862,90 euros para as titulacións encadradas dentro da rama de Ciencias, Ciencias da Saúde e Enxeñaría e Arquitectura e dun máximo de 618,10 euros para as titulacións encadradas dentro da rama de Artes e Humanidades e Ciencias Sociais e Xurídicas.

O prazo para solicitar estas axudas estará aberto ata o 8 de novembro de 2014. As solicitudes poden tramitarse en http://sede.xunta.es/ co procedemento ED441C. Máis información no DOG do 8 de outubro de 2014.


Axudas para a matrícula nun máster universitario oficial
Data deste anuncio: 08/10/2014 Departamento: Educación
A Consellería de Educación convoca axudas destinadas a matrícula nun máster universitario oficial, destinadas a titulados/as universitarios/as en situación de desemprego, para o curso 2014/15. A contía da bolsa cubrirá o importe correspondente a 60 créditos de primeira matrícula do máster universitario (entre 1.200 e 1.300 euros). O prazo de solicitude remata o 8 de novembro. Máis información.

Axudas para o fomento da silvicultura en bosques no medio rural
Data deste anuncio: 03/10/2014 Departamento: Medio Rural
A Consellería do Medio Rural e do Mar vén de convocar as axudas para o fomento da silvicultura en bosques no medio rural, cofinanciadas co Fondo Europeo Agrícola de Desenvolvemento Rural (Feader) no marco do PDR de Galicia 2007-2013. Máis información.

O Concello de Lousame informa de que dende o 1 de outubro poden volver a solicitarse os permisos de queima de restos agrícolas e forestais
Data deste anuncio: 01/10/2014 Departamento: Medio Rural
O Concello de Lousame informa de que dende hoxe, mércores 1 de outubro, xa se poden volver solicitar de novo os permisos de queima de restos agrícolas ou de restos forestais amoreados, de acordo coa normativa vixente e posto que rematou oficialmente a época de perigo alto de incendios forestais en Galicia. Podes tramitar o teu permiso a través desta páxina web.

A Consellería de Medio Rural e do Mar informa de que a decisión de dar por finalizada a campaña de perigo alto adoptouse de acordo co establecido polo artigo 9 da Lei 3/2007, de 9 de abril, de prevención e defensa contra os incendios forestais de Galicia, segundo o cal a Consellería con competencias en materia forestal definirá a época de perigo alto que condicionará a intensidade das medidas que se vaian adoptar para a defensa do territorio da nosa Comunidade. De acordo co plantexamento de despregue progresivo que se aplicou ao inicio da campaña, os medios contra incendios de reforzo iranse repregando tamén de xeito gradual ao longo do mes de outubro.


Lousame aproba o alleamento dunha casa en Camboño cunha base de licitación de 60.000 euros
Data deste anuncio: 01/10/2014 Departamento:
O Concello de Lousame aprobou o alleamento dun ben inmoble, composto por unha casa e unha finca de 374,83 m2, pertencentes ao patrimonio municipal do solo de Lousame. O inmoble está situado en Corral de Abaixo 1, Chousa, na parroquia de Camboño (Lousame) e o orzamento base de licitación é de 60.000 euros, sen incluír impostos. Descarga o prego de condicións.

A vivenda atópase en solo de núcleo rural consolidado e conta cos distintos servizos: asfaltado de camiños, rede de abastecemento de auga, rede de saneamento, electricidade e telecomunicacións. Sobre unha superficie total da finca de 374,83 m2, o inmoble conta cunha planta baixa de 80,59 m2 e unha planta baixo cuberta de 44,26 m2 construídos. A edificación conta con muros exteriores de pedra, con forxado unidireccional de formigón, estrutura metálica de cuberta, cuberta de fibrocemento, ventás e portas.
Tras a súa publicación no BOP do 18 de setembro, ábrese un prazo de 45 días para a presentación de ofertas no Concello de Lousame (Portobravo. Teléfono: 981 82 04 94. Fax: 981 82 18 65). Cinco días despois, procederase á apertura das ofertas.


Lousame convoca os Obradoiros de Memoria, gratuítos e dirixidos a maiores de 60 anos
Data deste anuncio: 29/09/2014 18:00:00 Departamento: Servizos Sociais
A Concellería de Servizos Sociais do Concello de Lousame convoca por duodécimo ano consecutivo os seus Obradoiros da Memoria, unha actividade gratuíta dirixida a mellorar a calidade de vida dos veciños e veciñas maiores do municipio a través de actividades dirixidas a manter e mellorar capacidades como a atención, a memoria, o cálculo ou a linguaxe. Unha iniciativa incluída dentro do Programa de Dinamización de Persoas Maiores, subvencionado pola Deputación Provincial da Coruña.

Baixo o lema “Activa-mente!”, os Obradoiros da Memoria de Lousame están abertos a todos os veciños e veciñas maiores de 60 anos. Unhas actividades que se levan a cabo todas as semanas entre outubro e xuño nos distintos locais sociais das parroquias e que son impartidos por persoal dos Servizos Sociais do Concello de Lousame. A inscrición é totalmente de balde e está aberta durante todo o curso, polo que só é preciso poñerse en contacto cos Servizos Sociais de Lousame ou chamar ao 981 820 494.

Os obxectivos destes Obradoiros da Memoria son mellorar a calidade de vida dos nosos maiores que, a través de exercitar a súa memoria, poden previr ou retardar a aparición do deterioro cognitivo. Ademais, con estas actividades promóvese a xuntanza veciñal para lembrar o que xa saben e seguir aprendendo cousas novas. Así, mediante dinámicas e exercicios adaptados ao nivel do grupo e de cada participante, os maiores exercitan capacidades como a memoria, a atención, a linguaxe ou o cálculo.

Os Obradoiros da Memoria impartiranse a partir da próxima semana nos distintos locais sociais de Lousame, salvo en Merelle, onde terá lugar no local veciñal. As sesións de presentación terán lugar o martes 30 de setembro en Vilacoba (10:00 horas), Merelle (10:30 horas) e Lesende (11:45 horas); o mércores 1 de outubro en Escabia (10:00 horas) e Camboño (10:30 horas); e o venres 3 de outubro en Aldeagrande (10:00 horas) e Cruído (10:00 horas).


A Deputación da Coruña convoca o premio "Concepción Arenal" para temas de acción social
Data deste anuncio: 25/09/2014 Departamento: Educación
A Deputación da Coruña convoca o premio “Concepción Arenal” para temas de acción social, ano 2014, dirixido a recoñecer iniciativas, traballos, traxectorias de persoas, individualmente ou entidades comprometidas coa promoción dos servizos sociais e as políticas de igualdade de xénero. Poden participar calquera persoa individualmente, ou entidade privada sen ánimo de lucro. Haberá un primeiro premio en metálico de 7.000 euros e un segundo e terceiro premio de 4.000 euros. O prazo de presentación de solicitudes remata dentro de 20 días. Máis información.

Curso en liña para o certificado galego de competencias dixitais en ofimática
Data deste anuncio: 25/09/2014 Departamento: Xuventude
A Axencia para a Modernización Tecnolóxica de Galicia fai unha convocatoria para a obtención da certificación galega de competencias dixitais en ofimática, tras o seguimento dun curso de preparación na modalidade de teleformación. Máis información.

Subvencións para a promoción, comercialización e exhibición do produto audiovisual galego
Data deste anuncio: 25/09/2014 Departamento: Economía
A Axencia Galega das Industrias Culturais convoca as subvencións para a promoción, comercialización e exhibición do produto audiovisual galego para o ano 2014, dirixidas tanto a persoas físicas coma xurídicas. Máis información.

Axudas para o desenvolvemento de accións formativas e de transferencia tecnolóxica
Data deste anuncio: 25/09/2014 Departamento: Medio Rural
A Consellería do Medio Rural e do Mar publica hoxe no DOG as bases reguladoras para a concesión de axudas para o desenvolvemento de accións formativas e de transferencia tecnolóxica por entidades asociativas vinculadas ao sector agrario, cofinanciada co Fondo Europeo Agrícola de Desenvolvemento Rural (Feader) no marco do PDR de Galicia 2007-2013, e se convocan para o ano 2014. Poderán optar a estas subvencións as sociedades cooperativas agrarias, as sociedades agrarias de transformación, as asociacións de cooperativas e as de produtores, os consellos reguladores de produtos de calidade diferenciada, as asociacións profesionais do ámbito agrario, alimentario ou ligadas ao desenvolvemento rural e as organizacións de produtores agrarios radicadas en Galicia. Máis información.

Actividades deportivas do Concello de Lousame
Data deste anuncio: 22/09/2014 Departamento: Deportes
A Concellería de Deportes do Concello de Lousame vén de convocar as actividades deportivas para o curso 2014-2015, que terán lugar no polideportivo municipal Pilar Barreiro Senra (A Silva). As modalidades ofertadas este ano son: kickboxing, zumba, ximnasia de mantemento, ximnasia para persoas maiores e a utilización do ximnasio municipal.

Os veciños e veciñas interesados en participar nalgunha destas actividades poden conseguir máis información e anotarse na Oficina Municipal de Deportes (Casa do Concello) ou na Casa da Cultura. Teléfonos: 981 820 949 ou 981 825 780.


Inscríbete nas Escolas Deportivas Municipais 2014-15
Data deste anuncio: 19/09/2014 Departamento: Deportes
A Concellería de Deportes do Concello de Lousame vén de abrir o prazo de inscrición nas Escolas Deportivas Municipais para o curso 2014-2015, nas que oferta un total de nove modalidades deportivas. A oferta inclúe fútbol sala, voleibol, bádminton, tenis, tenis de mesa, baloncesto, psicomotricidade, predeporte e taekwondo, que será a novidade deste ano.

O prezo de cada curso escolar será de 12 euros. As actividades comezarán o vindeiro 22 de outubro, coa excepción do taekwondo que o fará o 2 de outubro. Máis información e inscricións na Oficina de Deportes do Concello de Lousame (981 82 40 94 e 981 82 57 80) ou no CPI Cernadas de Castro.


Tren Balnearios, nova modalidade do Programa de Termalismo Social
Data deste anuncio: 16/09/2014 Departamento: Terceira idade
A Deputación de Ourense, a través da súa Área de Benestar, ten aberta a convocatoria "Ourense, a provincia termal", unha actuación enmarcada nas políticas sociais da institución provincial que oferta diferentes programas de benestar e promoción da saúde e o ocio a través do termalismo. Un programa no que poden participar cidadáns de toda Galicia, con independencia do municipio no que residan. Máis información e inscricións.

Ao proxecto iniciado o pasado mes de abril, engádese dende agosto unha nova posibilidade deseñada para facilitar a accesibilidade e a mobilidade das persoas, engadindo unha nova modalidade ao Programa que inclúe o desprazamento en tren de alta velocidade dende as estacións da Coruña ou Santiago de Compostela.

Os maiores de 50 anos teñen a posibilidade de realizar estanzas de 6 días/5 noites nos balnearios da provincia de Ourense co desprazamento ida/volta en tren incluído. Unha vez cheguen á estación de Ourense, teñen organizado o desprazamento para gozar dun período de descanso, benestar, tratamentos termais e circuítos culturais no balneario da provincia que elixises: Laias Caldaria, Gran Balneario do Carballiño, Balneario de Arnoia, Balneario de Baños de Molgas ou Balneario de Lobios.

A estanza é en réxime de pensión completa con bebidas incluídas, permitíndolle gozar da oferta termal da provincia con máis cantidade de augas termais de España e dunhas das augas mineromedicinales de máis calidade de toda Europa; podendo escoller o balneario e a auga termal que máis se adapte ás diferentes preferencias.

De setembro a novembro cada balneario oferta diferentes quendas de "luns a sábado" para gozar do programa. A data 1 de setembro dispoñíase de 400 prazas para esta modalidade que se asignarán por orde de solicitude. Durante a estanza recibirán 10 técnicas termais; se o desexan terán asesoramento médico o día da chegada para decidir os tratamentos balnearios máis axeitados. O Programa daralle tamén a posibilidade de realizar dous circuítos culturais en función do balneario no que se encontren, visitas inesquecibles para coñecer máis da natureza, o patrimonio ou o enoturismo de Ourense.

Como participar

No programa poden participar cidadáns de toda Galicia con independencia do municipio no que residan.O procedemento administrativo para a presentación da solicitude e a concesión do programa é totalmente on-line a través de www.trenbalnearios.com, estando a administración provincial a disposición do cidadán as 24 horas do día, os 7 días da semana.

A concesión do Programa, incluíndo o balneario solicitado, o programa e as datas de desfrute deste resolverase no mesmo proceso e no mesmo momento da presentación da solicitude. A solicitude poderá ser presentada dende internet polo propio interesado ou de forma presencial a través de diferentes organismos públicos. No caso de que o cidadán opte por realizala dende un organismo poderá xestionala a través dos servizos sociais comunitarios dos Concellos de toda Galicia que así o consideren.


O Concello de Lousame convoca un curso de iniciación á fotografía
Data deste anuncio: 12/09/2014 Departamento: Concellería de Xuventude
O Concello de Lousame organiza un Curso Teórico-Práctico de Iniciación á Fotografía, que terá unha duración de dez horas e será impartido polo Colectivo Olláparo (Boiro). As clases terán lugar durante o mes de outubro na Casa da Cultura de Lousame, que acollerá catro sesións: todos os sábados de 11:00 a 13:30 horas. O prezo é de 15 euros.

Máis información e inscricións na Oficina Municipal de Información e Xuventude do Concello de Lousame, no teléfono 981 820 494. Ademais dos fundamentos teóricos da fotografía, contémplanse distintas saídas para poñer en práctica as técnicas aprendidas.


A BTT Lousame terá lugar este 21 de setembro
Data deste anuncio: 11/09/2014 Departamento: Deportes
O Club BTT Treito e o Concello de Lousame organizan a “V Ruta MTB Social non competitiva Concello de Lousame” que terá lugar o domingo 21 de setembro de 2014, cun percorrido de 42 km aproximadamente. de dificultade técnica e física alta. Tamén hai unha alternativa de 30 quilómetros con dous avituallamentos. Inscricións aquí antes do 18 de setembro. Prezo: 10 euros.

A mesma será de carácter non competitivo e os participantes consideranse en excursión persoal e polo tanto deberán respectar as normas de circulación e seguridade vial vixentes . A saída terá lugar ás 9:30 horas no “Polideportivo municipal Pilar Barreiro Senra” en Lousame, situado a 1 km da Casa do Concello.A concentración e entrega de dorsais terá lugar a partir das 8:30 horas, do domingo 21 de setembro de 2014 no Polideportivo Municipal Pilar Barreiro Senra. A saída efectuarase ás 9:30 horas. A recollida de dorsais farase de xeito individual, presentando DNI, e xustificante de pago.

O uso do casco é obrigatorio, e non levalo implica a retirada do dorsal e da marcha. O percorrido da proba transcorre na súa maior parte por camiños rurais e forestais do Concello de Lousame, existindo cruces con tramos de estradas, que se atopan abertos ao tráfico para outros usuarios polo que se deberá extremar a precaución por parte dos participantes, respectando as normas de circulación contidas na Lei de Seguridade Vial e no Regulamento Xeral de Circulación.

A proba está organizada polo Club BTT Treito e o Concello de Lousame. Conta coa colaboración da Deputación da Coruña, Parrillada O Forno, Orixinal Imaxe, Autos Patiño Noia SL, Bicicletas RS Boiro, Muebles Muñiz, Bar Blanca, Viajes Barraña, Canalóns Alusa, Eroski, Pacos´s Moda e La Mensajera Loterías.


Axudas previas á xubilación ordinaria no sistema da Seguridade Social a persoas traballadoras afectadas por procesos de reestruturación de empresas
Data deste anuncio: 05/09/2014 Departamento: Emprego
A Consellería de Traballo e Benestar vén de facer públicas as normas especiais para a concesión de axudas previas á xubilación ordinaria no sistema da Seguridade Social a persoas traballadoras afectadas por procesos de reestruturación de empresas. Máis información.

Curso homologado de nivel básico en Ames para a obtención do carné de aplicador/manipulador de biocidas
Data deste anuncio: 02/09/2014 Departamento: Medio Rural
A localidade de O Milladoiro (Ames) acollerá os días 8, 15, 22 e 29 de novembro de 2014 un curso para a capacitación de aplicadores/manipuladores de produtos biocidas (nivel básico). Hai 30 prazas dispoñibles. Máis información e ficha de inscrición aquí.

Prohibidas ata o 30 de setembro as queimas de restos agrícolas e forestais
Data deste anuncio: 01/09/2014 Departamento: Medio Rural
A Consellería do Medio Rural e do Mar lembra que as queimas de restos agrícolas e forestais están prohibidas en Galicia ata o 30 de setembro inclusive.Esta é unha medida de carácter preventivo que se adopta ante a previsión de altas temperaturas e de vento típicas do período estival.

Trátase dunha orde que se realiza todos os anos, habitualmente ao comezo da tempada de alto risco de incendios forestais o 1 de xullo. Cabe lembrar que o Decreto 105/2006 que regula medidas relativas á prevención de incendios forestais, á protección dos asentamentos no medio rural e á regulación de aproveitamentos e repoboacións forestais- prohibe as queimas cando as condicións meteorolóxicas poidan dificultar o seu control, especialmente nos días de vento.

O departamento que dirixe Rosa Quintana pide a colaboración da cidadanía para que extreme as precaucións e denuncie calquera actividade delituosa incendiaria da que se teña coñecemento.

Así mesmo, a Consellería do Medio Rural e do Mar pon a disposición da cidadanía o número de teléfono gratuíto 085, ao que se debe chamar en caso de detectar algún lume forestal, e publica na súa web toda unha serie de indicacións para manter limpa de vexetación as contornas das vivendas, para previr os incendios forestais e gozar do monte con total seguridade. Entre outros cabe salientar os seguintes consellos:

- Está limitado o acceso ao monte das persoas e dos vehículos
- Está prohibido fumar, facer lume e queimas no monte
- É obrigatorio identificarse ante os axentes
- Está prohibido facer fogueiras, ou usar utensilios que xeren lume tanto para cociñar como para iluminar
- É obrigatorio pedir autorización para traballar con maquinaria non forestal nin agrícola que poida soltar faíscas


ÚLTIMOS DÍAS: axudas económicas destinadas a fomentar o asociacionismo e a participación das mulleres
Data deste anuncio: 25/08/2014 Departamento: Igualdade
O vindeiro luns 1 de setembro remata o prazo de solicitude das axudas económicas destinadas a fomentar o asociacionismo e a participación das mulleres, convocadas pola Secretaría Xeral de Igualdade e cofinanciadas polo Fondo Social Europeo (FSE). Máis información.

Prácticas da Deputación da Coruña en empresas europeas- Práxide
Data deste anuncio: 05/08/2014 Departamento: Emprego
A Deputación da Coruña publica as bases da segunda convocatoria, de carácter permanente, para a selección de participantes no proxecto de mobilidade Leonardo da Vinci "Práctica da Deputación da Coruña en empresas europeas-Práxide". Dirixido a rapaces e rapazas de 18 a 30 anos. Máis información.

Axudas do INEGA para o ticket eléctrico social de Galicia
Data deste anuncio: 04/08/2014 Departamento: Axudas
O Instituto Enerxético de Galicia (INEGA) convoca axudas económicas para o pagamento de parte da factura eléctrica, a través do tícket eléctrico social de Galicia durante o primeiro semestre de 2014. Está dirixido a familias con fillos menores a cargo cuxos ingresos non superen o IPREM. Máis información.

PRÁCTICAS EN EMPRESAS DE ALEMAÑA, REINO UNIDO E PORTUGAL
Data deste anuncio: 01/08/2014 Departamento: Emprego
A Fundación Axencia Enerxética Provincial da Coruña (FAEPAC) abre a convocatoria para a realización de prácticas en empresas de Alemaña, Reino Unido e Portugal (Braga). Trátase dunhas prácticas incluidas dentro do programa Leonardo da Vinci xestionado por FAEPAC. O período de entrega de documentación para optar a estas becas remata o 15 de Agosto (incluído). Máis in formación.

Actualización do prezos públicos das escolas infantís 0-3 dependentes da Consellería de Traballo e Benestar
Data deste anuncio: 29/07/2014 Departamento: Educación
O DOG de hoxe publica unha resolución da Dirección Xeral de Familia e Inclusión pola que se actualizan os prezos públicos das escolas infantís 0-3 dependentes da Consellería de Traballo e Benestar. Máis información.

Subvencións para o desenvolvemento de proxectos audiovisuais en lingua galega
Data deste anuncio: 29/07/2014 Departamento: Emprego
A Axencia Galega das Industrias Culturais vén de aprobar as bases reguladoras para a concesión, en réxime de concorrencia competitiva, das subvencións para o desenvolvemento de proxectos audiovisuais en lingua galega e se convocan para o ano 2014. Máis información.

EXPOSICIÓN NOTAS DO PROCESO DE CONTRATACIÓN DE 5 PERSOAS PARA AS BRIGADAS CONTRA INCENDIOS EN LOUSAME
Data deste anuncio: 18/07/2014 Departamento: Emprego
O Concello de Lousame informa de que dende hoxe venres poden consultarse no taboleiro de anuncios do Concello as notas do proceso de contratación temporal dun capataz, dun peón condutor e de tres peóns para de brigada para prevención e defensa contra incendios forestais (baixo a modalidade de contrato laboral de duración determinada durante un período de 3 meses).

Curso de condución de vehículos todoterreo
Data deste anuncio: 11/07/2014 Departamento: Formación
A Academia Galega de Seguridade Pública convoca un curso de condución de vehículos todoterreo, cofinanciado co Fondo Social Europeo (FSE) no marco do programa operativo Fondo Social Europeo 2007-2013 de Galicia.Está dirixido exclusivamente a persoal voluntario de agrupacións de voluntarios de protección civil, profesionais dos servizos municipais de protección civil e emerxencias e membros dos Grupos de Emerxencias Supramunicipais (GES). Máis información.

O Concello de Lousame organiza un curso de conservas do 14 ao 16 de xullo
Data deste anuncio: 09/07/2014 Departamento: Servizos Sociais
O Concello de Lousame organiza un curso práctico conservas, de 12 horas de duración, que se impartirá no local social de Cabanetán (Lesende) os próximos días 14, 15 e 16 de xullo, en horario de catro a oito da tarde. Os alumnos aprenderán a facer as súas propias conservas de froitas, hortalizas e peixe. O curso será impartido por Carmen Freire Cruces, labrega e enxeñeira agrícola. Se estás interesado en participar ou queres conseguir máis información, podes chamar ao 981 820 494. O PRAZO DE INSCRICIÓN REMATA ESTE VENRES 11 DE XULLO.

Axudas para o fomento das razas autóctonas galegas
Data deste anuncio: 07/07/2014 Departamento: Medio Rural
A Consellería do Medio Rural e do Mar vén de facer públicas as bases que regulan a concesión das axudas para o fomento das razas autóctonas galegas para o ano 2014.O prazo de presentación de solicitudes será dun mes, a contar dende o 8 de xullo. Máis información.

Subvencións para rehabilitar con granito as fachadas de edificacións de vivenda xa existentes
Data deste anuncio: 27/06/2014 Departamento: Economía
O Concello de Lousame informa de que a Consellería de Economía e Industria vén de convocar as subvencións, en réxime de concorrencia non competitiva, para a rehabilitación con granito das fachadas de edificacións de vivenda existentes. Máis información.

Subvencións para renovar as cubertas con tella cerámica ou lousa
Data deste anuncio: 27/06/2014 Departamento: Economía
O Concello de Lousame informa de que a Consellería de Economía e Industria vén de dar a coñecer as bases para a concesión de subvencións, en réxime de concorrencia non competitiva, para a renovación de cubertas con tella cerámica e con lousa.

Incentivos para promover a afiliación á Seguridade Social das mulleres cotitulares ou titulares de explotacións agrarias
Data deste anuncio: 25/06/2014 Departamento: Medio Rural
A Consellería de Traballo e Benestar vén de publicar as bases reguladoras do Programa de incentivos para promover a afiliación á Seguridade Social das mulleres cotitulares ou titulares de explotacións agrarias, cofinanciado polo Fondo Social Europeo, e se procede á súa convocatoria para o ano 2014. Máis información.

Convocatoria dos premios extraordinarios de bacharelato do curso 2013/14
Data deste anuncio: 20/06/2014 Departamento: Educación
A Consellería de Cultura, Educación e Ordenación Universitaria convoca os premios extraordinarios de bacharelato correspondentes ao curso 2013/14. Se acabas de rematar os teus estudos de bacharelato e tes unha cualificación final media nos dous cursos igual ou superior a 8,75, podes optar a estes premios. Máis información.

Convocatoria de prazas nas residencias xuvenís dependentes da Consellería de Traballo para o curso 2014/15
Data deste anuncio: 20/06/2014 Departamento: Educación
A Consellería de Traballo e Benestar convoca as prazas nas residencias xuvenís para o curso 2014/15. Máis información.

Vinte veciñas participan ata o vindeiro 30 de xuño no obradoiro gratuíto de agricultura ecolóxica do Concello de Lousame
Data deste anuncio: 17/06/2014 14:00:00 Departamento: Servizos Sociais
Un total de vinte mulleres, dezaoito de Lousame e dúas de Noia, participan no obradoiro de agricultura ecolóxica, unha iniciativa totalmente gratuíta organizada polo Concello de Lousame e que terá lugar ata o vindeiro luns 30 de xuño. O curso, de 44 horas de duración, impártese en horario de tarde no local social de Cruído, subvencionado pola Deputación Provincial da Coruña dentro do seu programa Activa Emprego.

Durante esta semana, as alumnas recibirán unhas bases teóricas sobre agricultura ecolóxico que, pouco a pouco, irán combinando cunhas prácticas de campo nas que poderán desenvolver os traballos comúns nunha horta ecolóxica. Para iso, aprenderán os fundamentos da agroecoloxía, do solo agrícola e da fertilización, así como a controla as pragas e as enfermidades dun xeito biolóxico. Así mesmo, os mestres do obradoiro ofrecerán nocións básicas de produción gandeira ecolóxica, explicarán as vías para conseguir a viabilidade dunha explotación ecolóxica e falarán sobre o manexo e a rotación dos cultivos hortícolas.


Incentivos ás empresas cualificadas como iniciativas de emprego de base tecnolóxica (IEBT)
Data deste anuncio: 17/06/2014 Departamento: Emprego
A Consellería de Traballo e Benestar vén de dar acoñecer as bases reguladoras do programa de incentivos ás empresas cualificadas como iniciativas de emprego de base tecnolóxica (IEBT), cofinanciado polo Fondo Social Europeo, para o ano 2014. Máis información no DOG de hoxe.

Subvencións para o financiamento de formación asociada aos contratos de formación e aprendizaxe
Data deste anuncio: 16/06/2014 Departamento: Emprego
O DOG de hoxe luns publica as bases reguladoras da convocatoria pública das subvencións para o financiamento de formación asociada aos contratos de formación e aprendizaxe regulados polo Real decreto 1529/2012, do 8 de novembro, polo que se desenvolve o contrato para a formación e a aprendizaxe e se establecen as bases da formación profesional dual. Máis información.

Axudas aos produtores que participen nos programas de produción e mellora dos produtos agroalimentarios galegos con calidade diferenciada
Data deste anuncio: 13/06/2014 Departamento: Medio Rural
O DOG de hoxe publica unha orde da Consellería do Medio Rural e do Mar pola que se convocan para o ano 2014 as axudas aos produtores que participen nos programas de produción e mellora dos produtos agroalimentarios galegos con calidade diferenciada, no marco do Programa de desenvolvemento rural para Galicia 2007-2013. Máis información.

Programa La Ida: prácticas laborais non retribuídas en Alemaña
Data deste anuncio: 12/06/2014 14:50:00 Departamento: Mocidade
A Dirección Xeral de Xuventude e Voluntariado da Consellería de Traballo e Benestar, en colaboración coa Fundación Paideia oferta 10 prazas para a realización de prácticas laborais en Alemaña durante unha estancia de 4 semanas a partir do mes de outubro de 2014. Esta actividade enmárcase dentro do programa de carácter transnacional La IDA do Ministerio de Traballo e Asuntos Sociais alemán, que a Fundación Paideia desenvolve en colaboración co IBI (Institut für Bildung in der Informationsgesellschaft e. V.) e cofinanciada pola Consellería de Traballo e Benestar da Xunta de Galicia, a través da Dirección Xeral de Xuventude e Voluntariado. O prazo de inscrición está aberto ata o 30 de xuño de 2014. Máis información.

Programa de axudas a autónomos pola contratación indefinida de asalariados
Data deste anuncio: 12/06/2014 Departamento: Emprego
O DOG de hoxe publica as bases reguladoras do Programa de axudas a persoas traballadoras autónomas pola contratación indefinida de persoas asalariadas, cofinanciado polo Fondo Social Europeo, para o ano 2014. Estas axudas oscilan entre os 4.000 e os 7.000 euros. s solicitudes deberán presentarse, preferiblemente, por vía electrónica a través do formulario normalizado dispoñible na sede electrónica da Xunta de Galicia e hai varios prazos de entrega da documentación. Máis información.

Programa de promoción da integración laboral das persoas con discapacidade na empresa e Programa de emprego con apoio
Data deste anuncio: 12/06/2014 Departamento: Emprego
O DOG de hoxe publica as bases reguladoras do Programa de promoción da integración laboral das persoas con discapacidade na empresa ordinaria, e do Programa de emprego con apoio, como medida de fomento do emprego de persoas con discapacidade no mercado ordinario de traballo, cofinanciados polo Fondo Social Europeo, para o ano 2014. Máis información.

Axudas a entidades colaboradoras de pesca fluvial
Data deste anuncio: 12/06/2014 Departamento: Medio Ambiente
A Consellería de Medio Ambiente, Territorio e Infraestruturas convoca axudas a entidades colaboradoras de pesca fluvial para o fomento da riqueza piscícola para o ano 2014. Máis información.

Préstamos Jeremie-Igape a pemes e microempresas
Data deste anuncio: 09/06/2014 Departamento: Emprego
O DOG de hoxe publica as bases reguladoras dos préstamos Jeremie-Igape previstos no programa operativo Feder Galicia 2007-2013 en beneficio de pequenas e medianas empresas e microempresas cofinanciadas polo Fondo Europeo de Desenvolvemento Rexional, e se procede á súa convocatoria en réxime de concorrencia non competitiva. Máis información.

Axudas para a adquisición de libros de texto
Data deste anuncio: 04/06/2014 18:00:00 Departamento: Ensino
O Concello de Lousame informa da convocatoria de axudas para a adquisición de libros de texto para alumnos de primaria, ESO e educación especial en centros públicos para o curso escolar 2014-2015. O prazo para solicitar estas axudas, que convoca a Consellería de Cultura, Educación e Ordenación Universitaria, remata o 2 de xullo (primaria e educación especial). No caso dos alumnos de ESO haberá dous prazos: 28 de xullo (matrículas no prazo ordinario) ou 2 de outubro (matrículas no prazo extraordinario). As solicitudes poderán obterse na Guía de procedementos e servizos no enderezo https://sede.xunta.es, nas xefaturas territoriais da Consellería de Cultura, Educación e Ordenación Universitaria e tamén se poderán descargar en formato pdf do portal educativo no enderezo electrónico http://www.edu.xunta.es. Máis información.

Programa de incentivos á contratación das persoas traballadoras
Data deste anuncio: 04/06/2014 Departamento: Emprego
O DOG de hoxe mércores publica a Orde do 21 de maio da Consellería de Traballo e Benestar pola que se establecen as bases reguladoras do programa de incentivos á contratación das persoas traballadoras, cofinanciado polo Fondo Social Europeo, e se procede á súa convocatoria para o ano 2014. As solicitudes deberán presentarse, preferiblemente, por vía electrónica a través do formulario normalizado dispoñible na sede electrónica da Xunta de Galicia. O prazo para a presentación das solicitudes de axudas rematará o 30 de setembro de 2014. Máis información.

Programa de Microcréditos do IGAPE a microempresas de Galicia
Data deste anuncio: 02/06/2014 Departamento: Empresas
O DOG de hoxe publica as bases reguladoras das axudas para a bonificación dos custos do financiamento dos investimentos das microempresas de Galicia, titulares de préstamos inferiores ou iguais a 25.000 euros con fondos do Instituto de Crédito Oficial (ICO), instrumentadas mediante o convenio de colaboración entre o Instituto Galego de Promoción Económica (Igape), as entidades financeiras e as sociedades de garantía recíproca, e se procede á súa convocatoria en réxime de concorrencia non competitiva (Programa microcréditos). Máis información.

Axudas para paliar os danos producidos polo lobo
Data deste anuncio: 02/06/2014 Departamento: Medio Rural
O DOG de hoxe publica a Orde do 16 de maio da Consellería de Medio Ambiente, Territorio e Infraestruturas pola que se establecen as bases reguladoras das axudas para paliar os danos producidos polo lobo e se convocan para o ano 2014. Máis información.

Programa de apoio financeiro ás pemes do IGAPE
Data deste anuncio: 02/06/2014 Departamento: Empresas
O DOG de hoxe publica as bases reguladoras das axudas do Igape para a bonificación dos custos do financiamento das pequenas e medianas empresas de Galicia, titulares de préstamos superiores a 25.000 euros con fondos do Instituto de Crédito Oficial (ICO), instrumentadas mediante convenio de colaboración entre o Instituto Galego de Promoción Económica (Igape), as entidades financeiras e as sociedades de garantía recíproca, e se procede á súa convocatoria en réxime de concorrencia non competitiva (Programa de apoio financeiro ás pemes). Máis información.

Subvencións a festivais, feiras, mostras, ciclos e certames de artes escénicas e musicais de carácter afeccionado
Data deste anuncio: 28/05/2014 Departamento: Cultura
O DOG de hoxe publica a Resolución do 21 de maio de 2014 da Axencia pola que se aproban as bases de subvencións a festivais, feiras, mostras, ciclos e certames de artes escénicas e musicais de carácter afeccionado e se convocan para o ano 2014. Máis información.

Subvencións a festivais de artes escénicas e de música
Data deste anuncio: 28/05/2014 Departamento: Cultura
O DOG de hoxe publica a Resolución do 21 de maio da Axencia Galega das Industrias Culturais pola que se aproban as bases de subvencións a festivais de artes escénicas e de música e se convocan para o ano 2014. Máis información.

Programa para a promoción do emprego autónomo
Data deste anuncio: 27/05/2014 Departamento: Emprego
O DOG de hoxe martes publica a Orde do 14 de maio de 2014 da Consellería de Traballo e Benestar pola que se establecen as bases reguladoras do Programa para a promoción do emprego autónomo, cofinanciado polo Fondo Social Europeo, e se procede á súa convocatoria para o ano 2014.Poderán ser beneficiarias das axudas deste programa as persoas desempregadas inscritas como demandantes de emprego no Servizo Público de Emprego, que procedan á creación do seu propio posto de traballo mediante a súa constitución en persoas traballadoras autónomas ou por conta propia. Máis información.

Programa para a promoción do emprego autónomo de xoves menores de 30 anos
Data deste anuncio: 27/05/2014 Departamento: Emprego
O DOG de hoxe martes 27 de maio publica a Orde do 14 de maio da Consellería de Traballo e Benestar pola que se establecen as bases reguladoras do Programa para a promoción do emprego autónomo de mozos/as menores de 30 anos, cofinanciado polo Fondo Social Europeo, e se procede á súa convocatoria para o ano 2014.Poderán ser beneficiarias destas axudas os desempregados inscritos como demandantes de emprego no Servizo Público de Emprego, que procedan á creación do seu propio posto de traballo mediante a súa constitución en persoas traballadoras autónomas ou por conta propia e que desenvolvan a súa actividade empresarial ou profesional en Galicia, sempre que reúnan os seguintes requisitos:ter menos de 30 anos de idade na data da presentación da solicitude; darse de alta no réxime especial de autónomos ou en calquera outro réxime especial por conta propia da Seguridade Social ou en mutualidade de colexio profesional entre o 1 de outubro de 2013 e o 30 de setembro de 2014; non ter percibido subvencións ao abeiro do programa de promoción do emprego autónomo nos catro anos anteriores; e non ter desenvolvido como persoa traballadora autónoma a mesma ou similar actividade na mesma localidade, nos seis meses inmediatamente anteriores á data do inicio da nova actividade. Máis información.

Subvencións a entidades de iniciativa social sen ánimo de lucro para programas para mulleres e recursos integrais para xestantes e lactantes
Data deste anuncio: 26/05/2014 Departamento: Emprego
O DOG de hoxe luns publica a Resolución do 23 de maio de 2014 da Secretaría Xeral da Igualdade pola que se establecen as bases reguladoras que rexerán as axudas e subvencións a entidades de iniciativa social sen ánimo de lucro para programas para mulleres e recursos integrais para xestantes e lactantes, e se procede á súa convocatoria para o ano 2014, cofinanciada polo Fondo Social Europeo e polo Fondo Europeo de Desenvolvemento Rexional. Máis información.

Épocas hábiles de caza, as medidas de control por danos e os réximes especiais por especies durante a tempada 2014-2015
Data deste anuncio: 26/05/2014 Departamento:
O DOG de hoxe publica a Resolución do 12 de maio de 2014, da Dirección Xeral de Conservación da Natureza, pola que se determinan as épocas hábiles de caza, as medidas de control por danos e os réximes especiais por especies durante a tempada 2014-2015. Máis información.

Subvencións para actividades de ONG´s
Data deste anuncio: 22/05/2014 Departamento: Emprego
A Vicepresidencia e a Consellería de Presidencia, Administracións Públicas e Xustiza veñen de aprobar as bases reguladoras da concesión de subvencións, en réxime de concorrencia competitiva, para a execución de proxectos para actividades de educación para o desenvolvemento e para a consolidación e fortalecemento de organizacións non gobernamentais de desenvolvemento e se procede á súa convocatoria para o ano 2014. Máis información

Axudas á conciliación da vida familiar e laboral
Data deste anuncio: 20/05/2014 Departamento:
A Secretaría Xeral da Igualdade convoca axudas á conciliación da vida familiar e laboral como medida de fomento da corresponsabilidade para os traballadores que se acollan á redución da súa xornada de traballo.

As axudas serán concedidas a: Traballadores que, entre o 1 de xaneiro e o 31 de decembro de 2013, se atopasen en situación de redución da xornada de traballo para o coidado dun/unha fillo/a menor de tres anos. Familias monoparentais nas cales a persoa solicitante, home ou muller, sexa traballadora por conta allea e se acolla á redución de xornada.

O prazo para presentar solicitudes estará aberto ata o 21 de xuño de 2014. As solicitudes poden tramitarse en https://sede.xunta.es co procedemento SI440A Máis información.


Fomento de emprego en colaboración coas entidades sen ánimo de lucro
Data deste anuncio: 20/05/2014 Departamento:
A Consellería de Traballo e Benestar convoca axudas e subvencións para o fomento do emprego a través dos programas de cooperación no ámbito de colaboración coas entidades sen ánimo de lucro.

Requisitos: Poderán ser beneficiarias das axudas e subvencións as entidades sen ánimo de lucro que, estando debidamente inscritas no Rexistro Único de Entidades Prestadoras de Servizos Sociais, establezan accións específicas para a inserción, preferentemente, das persoas con discapacidade e/ou en risco de exclusión social.

O prazo para presentar solicitudes estará aberto ata o 21 de xuño de 2014. As solicitudes poden tramitarse en https://sede.xunta.es co procedemento TR352A. Máis información.


Subvencións a proxectos de equipamentos térmicos de biomasa executados en Galicia
Data deste anuncio: 19/05/2014 Departamento: Medio Rural
A Axencia Galega de Desenvolvemento Rural vén de convocar as subvencións aos proxectos dinamizadores das áreas rurais de Galicia para proxectos de equipamentos térmicos de biomasa, cofinanciadas co Fondo Europeo Agrícola de Desenvolvemento Rural (Feader) no marco do Programa de desenvolvemento rural de Galicia 2007-2013, e se anuncia a convocatoria para o ano 2014. Máis información na Convocatoria do DOG ou no INEGA.

Subvencións a titulares de obradoiros artesanais para o fomento da comercialización da artesanía galega e impulso da competitividade do sector artesán
Data deste anuncio: 19/05/2014 Departamento: Economía
A Consellería de Economía e Industria ven de establecer as bases reguladoras para a concesión, en réxime de concorrencia competitiva, das subvencións aos/ás titulares de obradoiros artesanais para o fomento da comercialización da artesanía galega e impulso da competitividade do sector artesán e se procede á súa convocatoria para o ano 2014 (código de procedemento IN201G). Máis información.

Axudas do IGAPE ao financiamento de pequenas e medianas empresas
Data deste anuncio: 13/05/2014 Departamento: Promoción Económica
O DOG de hoxe publica a Resolución do 9 de maio de 2014 pola que se lle dá publicidade ao acordo do Consello de Dirección que aproba as bases reguladoras do programa de apoio ao acceso ao financiamento operativo (activo corrente) das pequenas e medianas empresas, instrumentadas mediante convenio de colaboración entre o Instituto Galego de Promoción Económica (Igape), as sociedades de garantía recíproca galegas e as entidades financeiras adheridas (Re-solve 2014), e se procede á súa convocatoria en réxime de concorrencia non competitiva. Máis información.

Matrícula Conservatorio de Danza. Curso 2014/2015
Data deste anuncio: 09/05/2014 Departamento: Cultura
A Deputación da Coruña informa de que o prazo da matrícula anual do Conservatorio de Danza para o curso escolar 2014/2015 será do 15 ao 30 de xuño de 2014. Aqueles veciños e veciñas de Lousame que estean interesados en participar, terán que presentar unha serie de documentación que poden descargar neste enlace.

Lousame convoca un curso gratuíto de preparación para a busca de emprego dirixido a mulleres
Data deste anuncio: 07/05/2014 Departamento: Formación e Emprego
O Concello de Lousame convoca un curso de preparación para a busca de emprego, unha iniciativa totalmente gratuíta e dirixida ás mulleres do municipio. O curso terá lugar en Lousame ao longo de 32 horas lectivas, impartidas entre o luns 26 de maio e o mércores 4 de xuño. A participación é totalmente de balde, se ben é preciso anotarse previamente nos Servizos Sociais do Concello de Lousame antes do 20 de maio. Hai un máximo de 20 prazas dispoñibles.

O curso “Preparación para a busca de emprego” ensinará ás alumnas as habilidades precisas para conseguir un traballo, dende como elaborar un bo currículo vitae ou unha carta de presentación, ata como preparase para unha entrevista de traballo. Así mesmo, as alumnas tamén recibiran unha completa formación sobre como utilizar Internet para a busca de emprego e sobre os distintos recursos dispoñibles na rede para atopar traballo.

Este curso organizado polo Concello de Lousame é unha das accións formativas incluídas en Activa Emprego, un programa formativo de mellora da empregabilidade entre as mulleres que está subvencionado con algo máis de 8.000 euros pola Deputación Provincial da Coruña. Ademais deste curso de preparación para a busca de emprego, o Concello de Lousame ten previsto organizar outro sobre agricultura ecolóxica. Máis información nos Servizos Sociais do Concello de Lousame, no 981 82 04 94 ou en www.concellodelousame.com.


Convocatoria do programa Xuventude Crea
Data deste anuncio: 07/05/2014 Departamento: Xuventude
A Dirección Xeral de Xuventude e Voluntariado vén de convocar unha nova edición do programa Xuventude Crea, dirixido a mozos e mozas galegos/as ou residentes en Galicia, non profesionais, con idades comprendidas entre os 16 e os 30 anos de idade (feitos no ano 2014). Establécense varias especialidades: teatro, artes plásticas, música, relato breve, poesía, videocreación, banda deseñada, graffiti, carteis, moda e deseño de xoias. Haberá tres premios por especialidade de 3.000, 1.500 e 1.000 euros. Máis información, bases e impresos de solicitude.

Ábrese o prazo para presentar proxectos de cooperación á convocatoria do Fondo Galego
Data deste anuncio: 05/05/2014 Departamento: Cooperación
O Fondo Galego de Cooperación e Solidariedade destinará este ano un mínimo de 100.000 euros ao financiamento de proxectos de axentes de cooperación galegos en países do Sur. A asociación de concellos e deputacións vén de lanzar a convocatoria de subvencións, que permanecerá aberta ata o 30 de xuño. Máis información e descarga de bases.

Contribuír ao fortalecemento do sistema galego de cooperación e sensibilizar a poboación sobre as desigualdades son os obxectivos desta convocatoria á que ONGD, sindicatos, universidades, etc. poderán presentar ata dous proxectos. No entanto, só se financiará un por cada entidade, ata o 80% do custo total e cun límite de 30.000 euros, quedando excluídas aquelas que recibiron achegas en 2013 e as que non teñan un mínimo de dous anos de experiencia no país e no sector de actuación.

Os proxectos executaranse en países cun índice de desenvolvemento humano (IDH) medio ou baixo, priorizando os menos adiantados (PMA). Terán preferencia ademais as intervencións en Cabo Verde, Cuba, Nicaragua e Perú -zonas tradicionalmente vinculadas á cooperación realizada polo Fondo Galego-, e mais nos países lusófonos. Tamén os países prioritarios segundo o III Plan Director da Cooperación Galega, incluído Haití e os territorios saharauís. As propostas deberán incluír unha actividade de sensibilización en Galicia.

Alén de incorporar enfoques transversais como a loita contra a pobreza, os Dereitos Humanos, a igualdade de xénero e a protección do medio ambiente, o ámbito de actuación deberá estar vinculado co eido local. Os parceiros en terreo han de responsabilizarse da execución, que contará coa participación das persoas beneficiarias. Ao tempo, as organizacións solicitantes teñen que contar cunha sede ou delegación permanente en Galicia desde hai dous anos e mais con base social e unha rede de voluntariado activa.

As bases da convocatoria presentáronse ante o Consello Municipalista da Cooperación, órgano consultivo do que están convidados a participar os axentes do sector, nunha xuntanza tras a que se incorporaron parte das alegacións realizadas pola Coordinadora Galega de ONGD. Unha comisión técnica constituída por persoal de diferentes deputacións e concellos encargarase de avaliar os proxectos presentados, aínda que será a Asemblea de socios do Fondo Galego quen aprobe a resolución da Comisión Executiva. As bases e os formularios da convocatoria poden descargarse en www.fondogalego.org.

O Fondo Galego de Cooperación e Solidariedade está integrado por 87 Concellos e as Deputacións da Coruña e Lugo, que concentran a través desta rede os seus esforzos no eido da cooperación ao desenvolvemento. Garántese deste xeito unha xestión profesional e transparente, así como a realización de proxectos con impacto nos países do Sur e a sensibilización da sociedade galega a prol da solidariedade internacional. Desde a súa fundación en 1997, o Fondo Galego ten desenvolvido uns 150 proxectos en 25 países e promove numerosas actividades e materiais en relación aos desequilibrios Norte-Sur.


Subvencións a ONGs para proxectos de acción humanitaria no exterior
Data deste anuncio: 30/04/2014 Departamento: Voluntariado
A Vicepresidencia da Xunta de Galicia e a Consellería de Presidencia, Administracións Públicas e Xustiza convocan as subvencións para a execución de proxectos de acción humanitaria no exterior e se procede á súa convocatoria para o ano 2014. Se pertences a algunha ONG, podes atopar máis información aquí.

Subvencións a entidades de iniciativa social para a promoción de actividades de servizos sociais comunitarios e inclusión social
Data deste anuncio: 30/04/2014 Departamento: Voluntariado
A Consellería de Traballo e Benestar convoca subvencións a entidades de iniciativa social para a promoción de actividades de servizos sociais comunitarios e inclusión social e se procede á súa convocatoria para o ano 2014 (cofinanciada parcialmente polo Fondo Social Europeo). Máis información.

SUBVENCIÓNS A FAMILIAS PARA A ADQUISICIÓN DE EQUIPAMENTOS DE TDT MEDIANTE RECEPCIÓN SATELITAL
Data deste anuncio: 29/04/2014 Departamento:
El DOG de 29 de abril publica a resolución do 21 de abril de 2014 da Secretaría Xeral de Medios pola que se establecen as bases reguladoras para a concesión, en réxime de concorrencia non competitiva, de subvencións a familias para a adquisición de equipamentos de televisión dixital terrestre mediante recepción satelital en vivendas e edificacións situadas en zonas que hai que revitalizar do Programa de desenvolvemento rural sustentable en Galicia, e se procede á súa convocatoria para o ano 2014. Máis información.

Subvencións para o financiamento das bolsas ás persoas novas que realizan prácticas non laborais en empresas
Data deste anuncio: 28/04/2014 Departamento: Emprego
O DOG de hoxe publica a Orde do 25 de abril de 2014 da Consellería de Traballo e Benestar pola que se establecen as bases reguladoras e se procede á convocatoria pública, no ámbito da Comunidade Autónoma de Galicia, das subvencións para o financiamento das bolsas ás persoas novas que realizan prácticas non laborais en empresas. Máis información.

Subvencións para a programación de accións formativas dirixidas a persoas traballadoras desempregadas menores de 30 anos e con baixa cualificación
Data deste anuncio: 28/04/2014 Departamento: Emprego
O DOG de hoxe publica a ORDE do 25 de abril de 2014 da Consellería de Traballo e Benestar pola que se establecen as bases reguladoras e se procede á convocatoria pública de subvencións para a programación de accións formativas dirixidas a persoas traballadoras desempregadas menores de 30 anos e con baixa cualificación na Comunidade Autónoma de Galicia, correspondente ao exercicio de 2014. Máis información.

Subvencións á produción escénica
Data deste anuncio: 24/04/2014 Departamento: Cultura
O DOG de hoxe xoves publica a Resolución do 10 de abril de 2014 da Axencia Galega das Industrias Culturais pola que se aproban as bases de subvencións á produción escénica e se convocan para o ano 2014. Máis información.

Convocatoria de axudas na Iniciativa Xove
Data deste anuncio: 16/04/2014 Departamento: Mocidade
O DOG do 15 de abril publica as bases que rexen as axudas enmarcadas no programa Iniciativa Xove, un programa posto en marcha pola Dirección Xeral de Xuventude e Voluntariado e que consiste nunha liña de axudas pensada para que os mozos e mozas poidan desenvolver ideas que, transformadas en proxectos e iniciativas de interese, poidan reverter na mocidade actual e na nosa sociedade. Máis información.

Pódese participar de dous xeitos: a través de grupos informais de mozos/as ou ben dende as asociacións xuvenís e entidades legalmente constituídas. As actividades serán planificadas e desenvolvidas por propios mozos/as, fomentando sempre a participación, a axeitada utilización do lecer, a calidade de vida e o benestar, a través de proxectos integrais e específicos de actuación que propoñades. Estes proxectos irán dirixidos á mocidade da nosa comunidade autónoma e poderanse desenvolver dende o 1 de xaneiro ao 14 de outubro.

Prazo de presentación de solicitudes: un mes. Nestes últimos anos varios grupos de mozos e mozas desenvolveron diferentes proxectos de iniciativa xove en Lousame. Para máis información poden pasar pola OMIX de Lousame ou en www.xuventude.net.


Subvencións a clubs deportivos, sociedades anónimas deportivas e agrupacións deportivas escolares de Galicia
Data deste anuncio: 15/04/2014 Departamento: Deportes
O DOG de hoxe publica a Resolución do 27 de marzo de 2014, da Secretaría Xeral para o Deporte, pola que se establecen as bases reguladoras para a concesión de subvencións, en réxime de concorrencia non competitiva, a clubs deportivos, sociedades anónimas deportivas e agrupacións deportivas escolares de Galicia, para o desenvolvemento de actividades deportivas, e pola que se procede á súa convocatoria. Máis información.

Curso homologado de nivel básico para a obtención do carné de aplicador/manipulador de biocidas
Data deste anuncio: 15/04/2014 Departamento: Formación
O DOG de hoxe publica a Resolución do 3 de abril de 2014, da Dirección Xeral de Innovación e Xestión da Saúde Pública, pola que se fai pública a realización dun curso homologado de nivel básico para a obtención do carné de aplicador/manipulador de biocidas. Máis información

Axudas destinadas á mellora e implantación de sistemas de rastrexabilidade en entidades asociativas do sector hortofrutícola
Data deste anuncio: 15/04/2014 Departamento: Medio Rural
O DOG de hoxe publica a Orde do 3 de abril de 2014 da Consellería do Medio Rural e do Mar pola que se establecen as bases reguladoras para as axudas destinadas á mellora e implantación de sistemas de rastrexabilidade en entidades asociativas do sector hortofrutícola e se convocan para o ano 2014. Máis información.

Obradoiro sobre emprendemento cooperativo no medio rural: oportunidades de negocio
Data deste anuncio: 14/04/2014 Departamento: Formación
AGACA e a Cámara de Comercio de Santiago organizan do 6 ao 19 de maio un obradoiro de emprendemento cooperativo no que explicarán cómo iniciar un negocio rural. O curso terá lugar no Centro da Rede Eusumo “Cámara de Comercio de Santiago” (Viveiro de Empresas-Pol. Costa Vella. Santiago de Compostela).A inscrición gratuíta a través do correo electrónico agaca@agaca.coop ou dos teléfonos 981 584 783 / 981 584 911. Consulta o programa do curso.

Esta iniciativa está dirixida a todos os interesados que queiran iniciar un negocio no rural e enmárcase na Rede Eusumo para o fomento do cooperativismo e a economía social, impulsada dende a Consellería de Traballo e Benestar. O principal obxectivo do curso é impulsar a creación de emprego estable no medio rural mediante o cooperativismo.

A matrícula está aberta a todas aquelas persoas interesadas, especialmente a mozos e mulleres, con espírito emprendedor e ganas de aprender. Cun formato moi participativo, o “Obradoiro sobre emprendemento cooperativo no medio rural: oportunidades de negocio” abarcará cuestións como a xeración e maduración de ideas, a elaboración dun plan de empresa cooperativo, o marketing empresarial e as distintas axudas públicas dispoñibles.

Ademais exporanse casos reais de iniciativas empresariais de éxito no ámbito rural que sirvan de estímulo aos participantes. O equipo docente está integrado por técnicos de diversas áreas da Asociación Galega de Cooperativas Agroalimentarias. Esta acción formativa desenvólvese no marco da Rede Eusumo, unha iniciativa de intercooperación impulsada pola Consellería de Traballo e Benestar para o fomentar o espírito emprendedor no ámbito local, comarcal e transfronteirizo prestando apoio directo á creación e consolidación de emprego con base na economía social, no territorio de actuación.


Axudas aos investimentos en transformación e comercialización de produtos procedentes da pesca, do marisqueo e da acuicultura
Data deste anuncio: 11/04/2014 Departamento: Mar
O DOG de hoxe publica a Orde do 4 de abril de 2014 da Consellería do Medio Rural e do Mar pola que se establecen as bases reguladoras para a concesión das axudas aos investimentos en transformación e comercialización de produtos procedentes da pesca, do marisqueo e da acuicultura, cofinanciadas co Fondo Europeo de Pesca nun 75 %, e se convocan para o exercicio 2014. Máis información.

Fomento do cooperativismo e a economía social
Data deste anuncio: 11/04/2014 Departamento: Emprego
O DOG de hoxe publica a Orde do 3 de abril de 2014 da Consellería de Traballo e Benestar pola que se establecen as bases reguladoras dos programas de apoio ás entidades asociativas, ás oficinas locais e a outras entidades colaboradoras da Rede Eusumo para o fomento do cooperativismo e a economía social, cofinanciados parcialmente co FSE, e se procede á súa convocatoria para o ano 2014. Máis información.

Axudas para o fomento da contratación dos seguros agrarios
Data deste anuncio: 08/04/2014 Departamento: Agro
O DOG de hoxe martes publica a Orde do 27 de marzo de 2014 da Consellería do Medio Rural e do Mar pola que se establecen as bases reguladoras das axudas para o fomento da contratación dos seguros agrarios na Comunidade Autónoma de Galicia e se convocan para o ano 2014. Máis información.

subvencións ás agrupacións de voluntarios de protección civil de concellos de menos de 50.000 habitantes
Data deste anuncio: 04/04/2014 Departamento: Protección Civil
O DOG de hoxe pulbica a Orde do 27 de marzo de 2014 da Vicepresidencia e Consellería de Presidencia, Administracións Públicas e Xustiza pola que se establecen as bases reguladoras para a concesión, en réxime de concorrencia competitiva, de subvencións ás agrupacións de voluntarios de protección civil de concellos de menos de 50.000 habitantes ou mancomunidades, e se procede á súa convocatoria para o ano 2014. Máis información.

Contías máximas das libranzas na Dependencia
Data deste anuncio: 02/04/2014 15:19:00 Departamento: Dependencia
O DOG de hoxe publica unha modificación do regulamento do procedemento para o recoñecemento da situación de dependencia e do dereito ás prestacións do sistema para a autonomía e atención á dependencia, o procedemento para a elaboración do Programa individual de atención e a organización e funcionamento dos órganos técnicos competentes. Consulta aquí as contías máximas das libranzas.

Axudas a universitarios que por causa sobrevida ou imprevista teña dificultades económicas para continuar estudos
Data deste anuncio: 02/04/2014 Departamento: Educación
O DOG de hoxe publica a Orde do 20 de marzo de 2014 da Consellería de Cultura, Educación e Ordenación Universitaria pola que se establece o procedemento de concesión de axudas destinadas ao alumnado que curse estudos universitarios no curso académico 2013/14 nas universidades do Sistema universitario de Galicia que, por causa sobrevida ou imprevista, teña dificultades económicas para continuar estudos. Máis información.

Axudas complementarias ás do Programa Erasmus e Suíza, destinadas a alumnos que cursen ensinanzas artísticas superiores
Data deste anuncio: 02/04/2014 Departamento: Educación
O DOG de hoxe publica a Orde do 21 de marzo de 2014 da Consellería de Cultura, Educación e Ordenación Universitaria pola que se aproban as bases e se convocan axudas complementarias ás achegadas pola Unión Europea no marco do Programa comunitario de mobilidade Erasmus e Suíza, destinadas ao alumnado que cursa ensinanzas artísticas superiores en centros públicos de Galicia no curso 2013/14. Máis información.

Subvencións a investimentos no ámbito da acuicultura
Data deste anuncio: 02/04/2014 Departamento: Pesca
O DOG de hoxe publica a Orde do 24 de marzo de 2014 da Consellería do Medio Rural e do Mar pola que se establecen as bases reguladoras para a concesión, en réxime de concorrencia competitiva, de subvencións a investimentos no ámbito da acuicultura, cofinanciadas co Fondo Europeo de Pesca nun 75%, e se convoca para o exercicio 2014 o devandito procedemento. Máis información.

Subvencións ás entidades privadas sen ánimo de lucro para a realización de programas de carácter sociosanitario
Data deste anuncio: 01/04/2014 Departamento: Sanidade
O DOG de hoxe publica a ORDE do 21 de marzo de 2014 da Consellería de Sanidade pola que se establecen as bases reguladoras e se convocan subvencións, en réxime de concorrencia competitiva, ás entidades privadas sen ánimo de lucro para a realización de programas de carácter sociosanitario. Máis información.

Axudas a entidades privadas sen ánimo de lucro para programas de incorporación social en vivendas para pacientes estabilizados
Data deste anuncio: 01/04/2014 Departamento: Sanidade
O DOG de hoxe publica a ORDE do 21 de marzo de 2014 da Consellería de Sanidade pola que se establecen as bases reguladoras e se convocan axudas en réxime de concorrencia competitiva ás entidades privadas sen ánimo de lucro para a realización de programas de incorporación social en vivendas para pacientes estabilizados nas unidades asistenciais con especialización en drogodependencias de Galicia. Máis información.

Axudas periódicas de apoio a mulleres que sofren violencia de xénero
Data deste anuncio: 28/03/2014 Departamento: Igualdade
O DOG de hoxe publica unha Resolución da Secretaría Xeral da Igualdade pola que se regulan as bases para a concesión das axudas periódicas de apoio a mulleres que sofren violencia de xénero e se procede á súa convocatoria para o ano 2014. Máis información.

Subvencións para garantir o acceso á internet de banda larga vía satélite
Data deste anuncio: 25/03/2014 Departamento: Novas tecnoloxías
O DOG de hoxe martes 25 de marzo publica a Resolución do 14 de marzo da Axencia Galega de Desenvolvemento Rural pola que se convocan subvencións para o ano 2014, en concorrencia non competitiva, para garantir o acceso á internet de banda larga vía satélite, cofinanciadas co Fondo Europeo Agrícola de Desenvolvemento Rural (Feader) no marco do PDR de Galicia 2007-2013, así como para a selección de entidades colaboradoras que participarán na súa xestión. O obxecto destas subvencións é mellorar o acceso das zonas rurais ás modernas tecnoloxías da información e a comunicación. Máis información.

Prestación económica de pagamento único por fillas e fillos menores de tres anos para o ano 2014
Data deste anuncio: 17/03/2014 Departamento: Familia
O DOG de hoxe luns 17 de marzo publica as bases polas que se rexerá a concesión da prestación económica de pagamento único por fillas e fillos menores de tres anos para o ano 2014. Máis información.

O prazo de presentación de solicitudes será de 40 días naturais, contados a partir do martes 18 de marzo, e deberán entregarse:
- preferiblemente, por vía electrónica a través do formulario normalizado dispoñible na sede electrónica da Xunta de Galicia (https://sede.xunta.es)
- tamén poderán presentarse solicitudes en soporte papel utilizando o formulario normalizado dispoñible na sede electrónica da Xunta de Galicia. En caso de enviarse por correo postal, o envío deberá ser certificado, co selo de Correos na primeira folla do formulario para garantir que a data de remisión é anterior á de peche da convocatoria.


Curso homologado de nivel básico para a obtención do carné de aplicador/manipulador de biocidas
Data deste anuncio: 14/02/2014 Departamento: Formación
O DOG de hoxe venres 14 de febreiro publica unha Resolución do 3 de febreiro de 2014 da Dirección Xeral de Innovación e Xestión da Saúde Pública pola que se fai pública a celebración dun curso homologado de nivel básico para a obtención do carné de aplicador/manipulador de biocidas. Terá lugar do 24 ao 27 de marzo na Asociación de Empresarios do Polígono Industrial do Salnés (Cambados). Máis información.

Convocada a proba para a obtención do título de bacharelato para maiores de vinte anos
Data deste anuncio: 12/02/2014 Departamento: Educación
O Concello de Lousame informa de que a Consellería de Cultura, Educación e Ordenación Universitaria convocou a proba para a obtención do título de BACHARELATO para maiores de vinte anos nas modalidades de Ciencias e tecnoloxía, Humanidades e Ciencias sociais. Para participar é preciso ser maior de 20 anos (ou cumplilos no 2014) e non estar cursando bacharelato. A inscrición nestas probas será entre o 17 e o 28 de febreiro do 2014. no Centro EPA Eduardo Pondal (A Coruña) ou no IES San Clemente (Santiago de Compostela). Máis información.

Subvencións para a apertura de novos establecementos comerciais
Data deste anuncio: 11/02/2014 Departamento: Economía e comercio
O IGAPE convoca as subvencións á apertura de novos establecementos comerciais. As axudas están dirixidas aos comerciantes retallistas (xa sexan persoas físicas ou xurídicas, públicas ou privadas sen personalidade xurídica, comunidades de bens ou calquera outro tipo de unidade económica ou patrimonio separado sen personalidade xurídica, legalmente constituídas). O prazo de solicitude remata o 30 de xuño de 2014. Máis información.

Fegamp e Fondo Galego renovan o seu acordo de colaboración
Data deste anuncio: 06/02/2014 Departamento: Servizos Sociais
A Federación Galega de Municipios e Provincias (Fegamp) e o Fondo Galego de Cooperación e Soliedariedade rubricaron esta mañá a renovación do seu acordo de colaboración. A firma protagonizárona os seus respectivos presidentes, José Manuel Rey Varela e Teresa París. É a terceira vez que ambas as entidades subscriben este convenio, tras as positivas experiencias dos anos 1988 e 2005.

En virtude deste acordo, a Fegamp pon a disposición do Fondo Galego as súas instalacións e as súas capacidades para converter aos concellos “nun punto de encontro da cooperación internacional”. A día de hoxe, o Fondo Galego converteuse na rede sectorial máis numerosa do municipalismo galego, baseada nun modelo cooperativo de éxitos contrastados, e constituiuse como un instrumento ao servizo da acción exterior de Galicia. Para a Fegamp, a existencia do Fondo Galego ten un papel esencial como axente de sensibilización en Galicia sobre as desigualdades existentes a nivel mundial, colocando na axenda municipal galega a defensa e promoción dos Dereitos Humanos, ao tempo que promove proxectos de desenvolvemento nos países empobrecidos.

Para José Manuel Rey Varela, “hai concellos que, ademais de preocuparse dos seus problemas, elevaron esa responsabilidade un pouco máis aló, até tomar conciencia de que se en Europa estamos a pasalo mal, que non estará a pasar en países con máis dificultades para o seu desenvolvemento”. En consecuencia, animou “a todos aqueles que non están presentes no Fondo a que dean ese paso, implicándose na maneira que lles sexa posible e que lle permitan os seus recursos”, porque “cun pouco de todos alcanzaremos un moito para algún”. “A crise non pode servir de escusa para deixar de apoiar a quen máis o seguen necesitando”, rematou.

Pola súa parte, Teresa París agradeceu a colaboración da Fegamp e salientou “o valor do Fondo como axencia do municipalismo galego en materia de cooperación internacional, un servizo público mancomunado que promove a solidariedade global desde o local”. Ao tempo, apuntou que “o sistema de cotas mínimas permite a todos os municipios, grandes e pequenos, contribuír á erradicación da pobreza extrema e á promoción da xustiza social”.

O Fondo Galego de Cooperación e Solidariedade está integrado por 90 Concellos e as Deputacións da Coruña e Lugo. Ata o momento, ten desenvolvido uns 150 proxectos en 25 países e promove numerosas actividades e materiais en relación aos desequilibrios Norte-Sur.


Axudas a proxectos colectivos de acondicionamento mariño e rexeneración, financiados polo FEP, que permitan mellorar a produtividade dos bancos marisqueiros
Data deste anuncio: 23/01/2014 Departamento: Pesca
O DOG do 23 de xaneiro publica a Orde do 30 de decembro de 2013 da Consellería do Medio Rural e do Mar pola que se establecen as bases reguladoras xerais e a convocatoria para o ano 2014, para a concesión, en réxime de concorrencia competitiva, de axudas a proxectos colectivos de acondicionamento mariño e rexeneración, financiados polo FEP, que permitan mellorar a produtividade dos bancos marisqueiros con problemas de perda de produción e que contribúan de forma sustentable a mellorar a xestión e conservación dos recursos mariños vivos. Máis información

PRAZAS DE ASISTENCIA CONTINUA OU PUNTUAL NO SERVIZO “LOUSAME CONCILIA”
Data deste anuncio: 27/11/2013 Departamento: Servizos Sociais
O Concello de Lousame lémbralles ás familias interesadas que existen prazas de asistencia continua ou puntual no servizo “Lousame Concilia” para este curso 2013/2014. “Lousame Concilia” é un servizo de atención e coidado de menores que o Concello oferta en colaboración coa Secretaría Xeral da Igualdade e co Fondo Social Europeo. A iniciativa está dirixida a nenos e nenas de 3 a 12 anos de idade e levarase a cabo nas instalacións do CPI Cernadas de Castro nas horas previas ao horario escolar, é decir, de luns a venres, dende as 7:45 ata as 9:45horas. Na modalidade de asistencia puntual, as familias poden chamar ao teléfono 609 828 853 e reservar a praza para o día que necesitan deixar ao seu fillo ou filla na escola antes do horario lectivo. Máis información nos Servizos Sociais municipais, teléfono 981 820 494.

RECICLAXE ACEITE USADO
Data deste anuncio: 26/04/2013 19:00:00 Departamento:


BANCO DE TAPONS DO BARBANZA
Data deste anuncio: 12/04/2013 18:40:00 Departamento:
O Concello de Lousame colabora co Banco de Tapóns do Barbanza cos seguintes puntos de recollida: Casa do Concello, Casa da Cultura, Locales sociais (Escabia, Cruido, Camboño,Lesende, Merelle), Polideportivo Municipal, CPI Cernadas de Castro, Clube de Xubilados, Panadería M. Ourille (Ardeleiros), Parrillada Miguel (Escabia) e, colaboración de Protección Civil de Lousame. Acude a calquera destes puntos a depositar os teus tapóns e colabora!

LOUSAME CONCILIA
Data deste anuncio: 11/09/2012 11:45:00 Departamento:
Un ano máis o concello de Lousame ofrece o servicio CONCILIA para todas aquelas familias que o necesiten ao longo do curso escolar, infórmate en Servicios Sociais do concello.

LOUSAME RECICLA
Data deste anuncio: 16/02/2012 21:00:00 Departamento:

RECOLLIDA DE ACEITE VEXETAL DOMESTICO USADO POR FAVOR, NON TIRES EN CALQUERA SITIO O ACEITE DE COCIÑA (OLIVA, XIRASOL...) DEBE LEVARSE ÓS LUGARES DE RECOLLIDA ADECUADOS, EXISTENTES NAS PARROQUIAS QUEREMOS FACER AS COUSAS BEN, PORQUE É IMPORTANTE PARA A SAÚDE, POLO MEDIOAMBIENTE, E PARA O BO FUNCIONAMENTO DAS DEPURADORAS

  • Parroquia de Fruíme Local da Escola da Escabia Sábados, de 19 a 22 h
  • Parroquia de Lousame Casa da Cultura de Portobravo Luns a venres, de 9 a 13 h
  • Parroquia de Fruíme Local de Aldariz Sábados, de 10 a 13:30 h
  • Parroquia de Tállara Local Social de Merelle Luns a venres, de 16 a 22 h
  • Parroquia de Vilacova Local Social Luns, de 18 a 19 h
  • Parroquia de Lesende Local Social de Cabanetán Sábados, de 10 a 13:30 h
  • Parroquia de Camboño - Local Social Martes e mércores, de 10 a 11 h
  • Concellería de Medioambiente www.concellodelousame.com LOUSAME RECICLA.

    PARA A RECOLLIDA PUNTUAL DE CERTOS RESIDUOS Ó LADO DOS CONTENEDORES, POR FAVOR PÓÑASE SEMPRE EN CONTACTO COA MANCOMUNIDADE DO BARBANZA EN HORARIO DE LUNS A VENRES, de 10 a 14 hrs. NOS TELÉFONOS: 981 191 240 ou 638 107 638 SI QUERE BOTAR ALGÚN TIPO DE ENSER QUE NON SEXA BASURA ORGÁNICA DOMÉSTICA: PAPEL, ROUPA, CALZADO, COLCHÓNS, MOBLES, PILAS, PLÁSTICOS, FERROS, ESCOMBRO, RODAS, BATERÍAS, LÁMPARAS... NON O TIRE EN CALQUERA SITIO E AVISE ANTES DE DEPOSITALO Ó LADO DUN CONTENEDOR! LEMBRÁMOSLLE QUE A PRANTA DE COMPOSTAXE DE SERVIA ESTÁ A DISPOSICIÓN DOS USUARIOS QUE QUEIRAN LEVAR DIRECTAMENTE OS ENSERES, EN HORARIO DE LUNS A VENRES, de 10 a 14 hrs. QUEREMOS FACER AS COUSAS BEN, PORQUE É IMPORTANTE PARA A SAÚDE, POLO MEDIOAMBIENTE, E PARA O BO FUNCIONAMENTO DO SERVIZO Concellería de Medioambiente www.concellodelousame.com

Fondo Galego de Cooperación e Solidariedade
Data deste anuncio: 14/02/2012 19:00:00 Departamento:

Fondo Galego de Cooperación e Solidariedade

O Fondo Galego de Cooperación e Solidariedade é unha rede que integra na actualidade as 4 Deputacións e a 94 Concellos galegos, entre eles o Concello de Lousame. Esta unión de esforzos permítelles ás Administracións socias, aboando unha modesta cota, participar en iniciativas de cooperación ao desenvolvemento, que a maioría non poderían impulsar por separado. Trabállase principalmente en dúas áreas: Proxectos e Sensibilización. Desde a súa fundación en 1997, o Fondo Galego ten desenvolvido 142 proxectos en máis de 20 países, e nestes intres apóianse actuacións en Cabo Verde, Nicaragua e Haití. En canto ás actividades de sensibilización para concienciar a sociedade galega sobre os desequilibrios Norte-Sur, póñense a disposición das Deputacións e Concellos socios diversas exposicións, contacontos, publicacións, filmes, etc. A rede de persoal político e técnico que se encarga das relacións co Fondo Galego de Cooperación en cada unha das Administracións socias e un valioso instrumento dinamizador á hora de implementar todas estas propostas, e tamén á hora de visibilizar o labor da entidade. Para coñecer máis de preto este traballo, do que o Concello de Lousame fai parte, e axudar a difundilo, pódese:

  • navegar no web www.fondogalego.org
  • darlle a Gústame, compartir e comentar en www.facebook.com/pages/Fondo-Galego-de-Cooperación-e-Solidariedade/131681540242608
  • colocar no web os logotipos http://fondogalego.org/web/imaxecorporativa
  • visionar os vídeos en http://www.youtube.com/user/fondogalego
  • escoitar o programa de radio ‘Voces con Fondo’ en http://www.agareso.org/es/ag-radio
  • distribuír os boletíns ‘Infórmate a Fondo’, e outras publicacións, dispoñibles no Concello
  • participar nas actividades do Fondo Galego que organice o Concello

SERVIZO DE COMUNICACIÓN Carmen Novas 616 145 077 comunicacion@fondogalego.org



LOUSAME CONCILIA
Data deste anuncio: 25/01/2012 18:56:00 Departamento:

PRAZAS DE ASISTENCIA PUNTUAL NO SERVIZO “LOUSAME CONCILIA”

O Concello de Lousame lémbralles ás familias interesadas que existen prazas de asistencia puntual no Servizo “Lousame Concilia” neste curso 2011/2012. Este é un servizo de atención e coidado de menores que o Concello oferta coa colaboración da Secretaría Xeral da Igualdade e do Fondo Social Europeo. Lévase a cabo durante o curso nas instalacións do CPI Cernadas de Castro, nas horas previas ao horario escolar, de luns a venres, dende as 7:45h ata 9:45h. Está dirixido a nenos/as de 3 a 12 anos. Na modalidade de asistencia puntual as familias poden chamar ao teléfono do servizo 609.828853, e reservar a praza para o día que necesitan deixar ao seu fillo/a na escola antes do horario lectivo.

Máis información nos Servizos Sociais municipais, no teléfono 981.820494.:



O CONCELLO NAS REDES SOCIAIS
Data deste anuncio: 27/04/2011 1:37:00 Departamento:

O Concello de Lousame quere acercarse cada vez mais os seus cidadans, polo que a partir do 27 de Abril o Concello da o salto as redes sociais. Podedes encontrarnos xa no facebook e en twitter nas seguintes direccións:

Esperamos deste xeito poder acercarnos a todos de forma mais próxima e que coñezades todas as noticias do Concello dende todos os medios.



RUTA MINAS DE SAN FINX
Data deste anuncio: 16/03/2011 19:17:28 Departamento:

Ruta das Minas de San Finx

Dende o departamento de Deportes do Concello de Lousame queremos acercarvos o track para GPS da Ruta das Minas de San Finx. nos seguintes enlaces podedes descargalos (en formato GPX e KML) para poder introducilo no GPS e nalgúns teléfonos con esa tecnoloxía (iphone, blackberry, htc...) e dese xeito vos sexa mais sinxelo realizar a Ruta.

Por ultimo deixamosvos a referencia do track no Google Maps en forma de imaxen. Se pinchades enriba dela, agrandarase.

Tracks



VISITAS GUIADAS ÁS MINAS DE SAN FINX
Data deste anuncio: 25/01/2011 16:28:00 Departamento:

VISITAS GUIADAS ÁS MINAS DE SAN FINX

- Para facer visitas guiadas ao Centro de Interpretación e edificios do poboado das Minas de San Finx, chamar ao teléfono do concello de Lousame 981 820 494. Preguntar por Mª José.



SERVIZO DE AXUDA NO FOGAR
Data deste anuncio: 16/08/2010 9:00:00 Departamento: Servizos Sociais

O Concello de Lousame a través da sua Concellería de Servizos Socias oferta o Servizo de Axuda no Fogar.

Este programa ten por obxecto proporcionar no domicilio das persoas que o precisen, unha serie de atencións de carácter doméstico, social, psicolóxico e rehabilitador. Se necesitan axuda para atencións e coidados de carácter persoal, psicosocial e educativo ou doméstico e así continuar no seu entorno podense poñer en contacto cos Servizos Sociais do Concello no teléfono 981 820 494.



SERVIZO DE AXUDA NO FOGAR
Data deste anuncio: 13/04/2010 17:00:00 Departamento: Servizos Sociais

No apartado Descargas/documentación da nosa páxina web poderán atopar os impresos necesarios para a Solicitude do Servizo de Axuda no fogar.

 



Praza Teodomiro Hidalgo-Portobravo (Lousame) - A Coruña | Teléfono: 981820494

Páxina optimizada para visualizar en Internet Explorer 8 e Mozilla Firefox
Tódolos dereitos reservados. Queda prohibida a reprodución total ou parcial deste sitio sen o permiso expreso do Concello de Lousame